မချစ်စဖူး၊အချစ်ဦးမို့
အရူးမူးစွဲ၊အမြဲတမ်းတ
လွမ်းသမျှတွေ၊ကဗျာတွေရေး
စိတ်ကူးလေးယဉ်၊ဖြစ်နေစဉ်ပေါ့
အချစ်ကံခေ၊ဂြိုလ်ဆိုးမွှေတော့
မျက်ရည်စက်လက်၊သဲအက်ကွဲရန်
တမင်ဖန်တီး၊ရှိုက်ကြီးတငင်
အထင်လွဲမှား၊မုန်းစကားဆို
ငို၍ထွက်သွား၊တားခွင့်မရ၊ ငါ့ဘ၀။
ဘာဆိုဘာမှ၊မသိရဘဲ
ရင်မှအချစ်၊အပြစ်ပယ်ခံ
ရောက်ရန်ကောလား၊သောကများဝေ
မျက်ရည်လဲဝေ့၊တွေ့မှဖြစ်မည်
သူတို့ဆီသွား၊စိတ်အားငယ်ငယ်
လာမယ်ညနေ၊ချိန်းလိုက်လေရဲ့။
သူလာမည့်လမ်း၊မန်ကျီးတန်းမှ
လှမ်းလှမ်း၍မျှော်၊အလွမ်းဖော်ပြု
မျက်ရည်စုကြွေ၊ညနေကုန်ဆုံး
နေလုံးကွယ်ပျောက်၊သူ မရောက်လာ
ရင်မှာပူဆွေး၊ငိုကြွေးလက်လျှော့
စိတ်ပျော့အားငယ်၊ကံရယ်ခေလွန်း
အမုန်းစွန်းထင်၊ချစ်ခင်သူပျောက်
တစ်ယောက်ထဲလေ၊နွေလဲနွေမို့
စိတ်ကိုဖြေရင်း၊အံတင်းဖြေမိ
သူမသိခဲ့။
ခေါင်းအုံးကိုဖက်၊ရှက်လဲရှက်တယ်
အားငယ်ဝမ်းနည်း၊အချစ်စစ်ပွဲတွင်
သင်၏အမုန်းမျှား၊အသဲကြားစူး
အရူးမူးခံ၊ဒဏ်ရာကုစား
အချိန်များကြာ၊ဘာမှမထူး
အချစ်ဦးရေ၊သိပါလေစ။ ။ ။
(ထက်ဇော်-တန့်ဆည်)
မြန်မာပြက္ခဒိန်
လာလည်ကြသူများ
 |
0 comments:
Post a Comment