(၁) ဒီမှာ...ဒီမှာ
လဲရင်လည်း ပြန်ထ
လွဲရင်လဲ ပြန်စလို့
ပြန်ချမယ့် အားမာန်မွေး
အချိန်ဟာ အဆုံးအဖြတ်ပေးလိမ့်မယ်။
(၂)ကမ်းမမြင် လမ်းမမြင်
သမုဒ္ဒရာ ရေပြင်မှာ ဇနကလက်ပြစ်ကူး
မဏိမေခလာက ရူးနေသလားတဲ့၊
နောက်ဆုံးတော့ ဇွဲရှိသူအတွက်
မဏိမေခလာ ကယ်ခဲ့ရတာပဲ မဟုတ်လားလေ....
(၃)အချိန်နဲ့ဖွဲ့စည်း
ဒီသံသရာ ဘ၀ခရီးမှာ
ဒဏ်ရာကို တသသ
နောင်တလည်းရမနေနဲ့..
ကံကြမ္မာကိုလည်း တမနေနဲပေါ့..
အရှုံးကို ပြန်သုံသပ်
တစ်ခုခုကို ဆုံဖြတ်လိုက်
ဘ၀ဆိုတာ တိုက်ပွဲ
တိုက်ရဲမှ အောင်မြင်မှာ.
(၄) ဒီလိုပါ ပဲ...
အခက်ခဲမှန်သမျှ
လက်တွဲကာ ကြံဆလို့
ဘ၀ဆိုတာ တိုက်ပွဲ
တိုက်ရဲရင်တိုက်....
အရှုံးကို ဂရုစိုက်မနေနဲ့ကွယ်..။
(၅) ပြုံးသူတွေနိုင် ရှုံးသူတွေမှိုင်တဲ့ပွဲမှာ.
(နိုင်သူတွေပြုံး မှိုင်သူတွေ ရှုံးတဲ့ပွဲမှာ)
အပြုံးတွေမချွေနိုင်လို့
ငေးမှိုင်နေမလား သူငယ်ချင်း
(၆)မျှော်လင့်စိတ်ကူး၊ ဒီတခါ မထူးဘူး၊
ရူးမိုက်စွာဆုံးဖြတ်၊ဘ၀ကို အဆုံသတ်တော့မလား.....
စဉ်းစားပါ သူငယ်ချင်း....
(၇)မညီမညာ ဘ၀လမ်းကောက်မှာ
ဆူးကြောက်လို့ ဒူးထောက်ခဲ့သူတွေ
အောင်မြင်မှု သရဖူပန်း
ဘယ်သူများ လှမ်းနိုင်ခဲ့လို့လဲ...၊။
မြန်မာပြက္ခဒိန်
လာလည်ကြသူများ
 |
0 comments:
Post a Comment